Гiсторыя

Прадпрыемства ганарыцца сваёй гісторыяй

02.09 2024

Рэспубліканскае ўнітарнае прадпрыемства «Шахтабуд»

ААТ «Трэст Шахтаспецбуд», як маёмасны комплекс, прынята ва ўласнасць Рэспублікі Беларусь і замацавана на праве гаспадарчага вядзення за Рэспубліканскім унітарным предриятием «Шахтабуд».

16.12 2021

НА ПЕТРЫКАЎСКІМ ГАК ВЫДАНА МІЛЬЁНАЯ ТОНА РУДЫ

16 снежня 2021 года на рудніку Петрыкаўскага ГАК камбайнавымі брыгадамі ГКУ-2 ГКУ ААТ «Трэст Шахтаспецбуд» (начальнік – Сеўрук А.С.) выдадзена на-гара мільённая тона камер службовага прызначэння. З пачатку будаўніцтва аб'екта «Петрыкаўскі ГАК» работнікамі ГКУ ААТ «Трэст Шахтаспецбуд» зманціравана 35 канвеераў агульнай даўжынёй 11 км, пракладзена па горных выпрацоўках больш за 80 км сілавых кабеляў і больш за 140 км кабеляў кіравання і сувязі

27.08 2021

ПЕТРЫКАЎСКІ ГАК АФІЦЫЙНА ЎВЕДЗЕНЫ Ў ЭКСПЛУАТАЦЫЮ

27 жніўня 2021 года Петрыкаўскі ГАК афіцыйна ўведзены ў эксплуатацыю. Прэзідэнт Рэспублікі Беларусь Аляксандр Рыгоравіч Лукашэнка асабіста прыняў удзел у цырымоніі ўводу ў эксплуатацыю Петрыкаўскага горна-абагачальнага комплексу ААТ «Беларуськалій». Кіраўнік дзяржавы ажыццявіў сімвалічны запуск прадпрыемства, націснуўшы на пульце кіравання кнопку запуску горна-шахтавага праходчага камбайна. Працэс работы тэхнікі дэманстраваўся ўдзельнікам мерапрыемства анлайн. ААТ «Трэст Шахтаспецбуд» з'яўляецца генеральным падрадчыкам будаўніцтва Петрыкаўскага горна-абагачальнага комплексу. Дзякуючы зладжанай сумеснай рабоце працоўных калектываў ААТ «Беларуськалій» і ААТ «Трэст Шахтаспецбуд» у красавіку 2019 года была завершана праходка 1-га і 2-га ствалоў Петрыкаўскага ГАК. Цяпер на прампляцоўцы рудніка завершаны работы падрыхтоўчых перыядаў і ідуць работы па ўзвядзенні аб'ектаў трэцяй чаргі будаўніцтва. Выхад на праектную магутнасць Петрыкаўскага ГАК запланаваны на пачатак 2022 года. Праектная магутнасць Петрыкаўскага ГАК дасягае 1500000 тон хларыду калію ў год.

11.12 2020

ПАЧАТА ПРАХОДКА КЛЕЦЦЯВОГА СТВАЛА ДАРАСІНСКАГА РУДНІКА!

11 снежня 2020 года адбыўся ўрачысты мітынг з нагоды пачатку праходкі клеццявога ствала Дарасінскага рудніка ААТ «Беларуськалій». Гэта адзін з найважнейшых этапаў пры будаўніцтве новых руднікоў. Па клеццявым ствале ідзе дастаўка людзей і абсталявання ў шахту, і руднік пачынае развіваць сваю падземную інфраструктуру. Падрадчыкам выступае ААТ «Трэст Шахтаспецбуд». Брыгадзір праходчыкаў ГПУ-1 ШПУ ААТ «Трэст Шахтаспецбуд» Грабянёк Дзмітрый Іванавіч, кіруючы пародапагрузачнай машынай КС-3, выдаў на-гара першую баддзю з пародай Дарасінскага рудніка. Гэта стала традыцыйным сімвалічным стартам праходкі шахтнага ствала Дарасінскага рудніка. Рэсурсы Дарасінскага рудніка дазволяць падоўжыць тэрмін службы 3-га рудаўпраўлення ААТ «Беларуськалій» як мінімум на 50 гадоў. Праектная магутнасць рудніка складзе каля 8 мільёнаў тон руды ў год з наступным павелічэннем да 9 мільёнаў.

30.07 2020

НА ЧЫРВОНАСЛАБОДСКІМ РУДНІКУ УСКРЫТЫ 2i КАЛІЙНЫ ГАРЫЗОНТ

30.07.2020 у 2 гадзіны ночы горна-капітальнае упрауленне сіламі ўчастка ГКУ-3 (ПКС-8 №46) скончыла праходку даследчай выпрацоўкі, якая перасекла II Калійны гарызонт на Чырвонаслабодскім рудніку Другога Рудаўпраўлення ААТ «Беларуськалій»! Магутнасць пласта сiльвiнiта ў месцы выкрыцця склала адпаведна: 1 сiльвiнiтавы пласт - 0,95 метра; 2 сiльвiнiтавы пласт - 0,73 метра; 3 сiльвiнiтавы пласт - 0,60 метра. Ускрыццё II Калійнага гарызонту адкрывае дадатковыя магчымасці здабычы руды на Чырвонаслабодскім рудніку

Май 2019

ПАЧАТАК БУДАЎНІЦТВА ДАРАСІНСКАГА РУДНІКА

У маі пачата будаўніцтва Дарасінскага рудніка. Шахтнае поле Дарасінскага рудніка будзе размяшчацца пад тэрыторыямі Салігорскага, Любанскага і Слуцкага раёнаў. Новы руднік стане сыравіннай базай для 3РУ і падоўжыць тэрмін яго службы як мінімум на 50 гадоў

Апрель 2019

ЗАВЕРШАНА ПРАХОДКА СТВАЛОЎ ПЕТРЫКАЎСКАГА ГАК

Дзякуючы зладжанай сумеснай рабоце працоўных калектываў ААТ «Беларуськалій» і ААТ «Трэст Шахтаспецбуд» у красавіку 2019 года была завершана праходка 1-га і 2-га ствалоў Петрыкаўскага ГАК. Выхад на праектную магутнасць запланаваны на 2021 год. Праектная магутнасць Петрыкаўскага ГАК дасягае 1500000 тон хларыду калію ў год

12.08 2018

УСКРЫТЫ 4-ы КАЛІЙНЫ ГАРЫЗОНТ ДРУГАГА РУДАЎРАЎЛЕННЯ ААТ «БЕЛАРУСКАЛІЙ»

12 жніўня 2018 года ўчастак ГКУ-2 разведачным транспартным ухілам на рудніку Другога рудаўпраўлення дасягнуў прадуктыўных пластоў 4-га калійнага гарызонту, што ў гісторыі ААТ «Беларуськалій» адбылося ўпершыню

31.03 2017

АФІЦЫЙНА ЗАПУШЧАНЫ ГАРЛЫКСКІ ГОРНА-АБАГАЧАЛЬНЫ КАМБІНАТ

31 сакавіка 2017 года Прэзідэнт Беларусі Аляксандр Лукашэнка і Прэзідэнт Туркменістана Гурбангулы Бердымухамедаў ва ўрачыстай абстаноўцы перарэзалі стужку і націснулі сімвалічную кнопку запуску работ

Ноябрь 2017

НОВЫЯ РЭКОРДЫ Ў ПРАХОДКЕ СТВАЛОЎ НА ПЕТРЫКАЎСКІМ ГАК

У жніўні 2017 года калектыў участку ГПУ-1 ШПУ дасягнуў месячнага тэмпу праходкі 80 м.п. гатовага ствала ў бетоне на будаўніцтве Петрыкаўскага ГАК, пабіўшы свой жа рэкорд праходкі на Бярозаўскім рудніку. У лістападзе 2017 года ўстаноўлены новы рэкорд участкам ГПУ-2 ШПУ. Імі пройдзена 80,8 м.п. ствала з узвядзеннем перадавога бетоннага мацунку

09.05 2016

ПАЧАТА ПРАХОДКА ВЕРТЫКАЛЬНАГА СТВАЛА №1 НА ПЕТРЫКАЎСКІМ ГАК

9 мая 2016 года на Петрыкаўскім радовішчы была пачата праходка вертыкальнага ствала №1, нагара былі выдадзены першыя тоны пароды

Август 2016

СПУСК КАМБАЙНА КРП-3 І ЗБОЙКА СТВАЛОЎ НА ГАРЛЫКСКІМ ГАК

18 жніўня 2016 года на глыбіні 295м у камеры на спалучэнні клеццявога ствала і прадуктыўнага калійнага пласта ў рэкордна кароткія тэрміны былі завершаны паэлементны спуск і зборка праходчыцкага камбайна КРП-3. У ноч з 29 на 30 жніўня была праведзена збойка клеццявога (№1) і скіпавага (№2) ствалоў паміж сабой. Праходчы камбайн КРП-3 нумар 1 з ювелірнай дакладнасцю ўключыўся ў камеру спалучэння ствала нумар 1

20.02 2015

ГЕНЕРАЛЬНЫМ ДЫРЭКТАРАМ ПРЫЗНАЧАНЫ Д.А.ДЗІУЛІН

20 лютага 2015 года генеральным дырэктарам ААТ «Трэст Шахтаспецбуд» прызначаны Дзяніс Аляксандравіч Дзiулін

23.10 2012

ВЫКАНАНА ЗБОЙКА ГАРЫЗАНТАЛЬНЫХ ГОРНЫХ ВЫРАБАТАК ШАХТНАГА ПОЛЯ 4РУ З ВЕРТЫКАЛЬНЫМ ШАХТНЫМ СТВАЛОМ БЯРОЗАЎСКАГА РУ

У кастрычніку, дзякуючы разлікам маркшэйдэраў ААТ «Беларуськалій» і ААТ «Трэст Шахтаспецбуд», упершыню ў практыцы будаўніцтва руднікоў на тэрыторыі былога Савецкага Саюза была выканана збойка гарызантальнай часткі горных выпрацовак шахтнага поля з вертыкальным ствалом. У ноч з 22 на 23 кастрычніка 2012 года, прайшоўшы звілісты шлях пад зямлёй па маркшэйдарскіх адзнаках, камбайн ПК-8 дакладна «ўрэзаўся» ў ствол №5. Гэтая дата ўвайшла ў гісторыю будаўніцтва Бярозаўскага рудніка як адна са значных і ўнікальных падзей

Май-июнь 2011

СКОНЧАНА ПРАХОДКА СТВАЛОЎ НА БЯРОЗАЎСКIМ РУДНІКУ

На Бярозаўскім рудніку шахтапраходчым упраўленнем за кароткія тэрміны пройдзены два ствалы − нумар 5 і нумар 6. Глыбіня скіпавага ствала склала 665 м, клеццявога - 600,56 м. праходка скіпавага ствала №5 была скончана 10 чэрвеня 2011 года, клеццявога ствала №6 - 1 мая. Рэкордны тэмп праходкі скіпавага ствала − 61, 6 м у месяц быў дасягнуты ў жніўні 2010 года брыгадай праходчыкаў ГПУ-1

2010

ПАЧАТАК БУДАЎНІЦТВА ГАРЛЫКСКАГА ГАК

У 2010 годзе генеральны падрадчык ААТ «Белгархімпрам» падпісаў з дзяржаўным канцэрнам «Туркменхімія» кантракт на будаўніцтва пад ключ Гарлыкскага горна-абагачальнага камбіната. Кошт праекта ацанілі ў $1 млрд

08.05 2009

АДКРЫЦЦЕ ЧЫРВОНАСЛАБОДСКАГА РУДНІКА

8 мая 2009 года здадзена першая чарга Чырвонаслабодскага рудніка. Першую чаргу будаўніцтва рудніка прымаў прэзідэнт Рэспублікі Беларусь А.Р. Лукашэнка. Калектыў ААТ «Трэст Шахтаспецбуд» на гэтым аб'екце выканаў прыкладна 40 працэнтаў агульнага аб'ёму БМР: ствалы нумар 1 і нумар 2, каляствольныя двары, часовыя будынкі і збудаванні, звязаныя з праходкай ствалоў, 1,5 км галерэі канвеернага тракту. Пяты руднік ААТ «Беларуськалій» быў пабудаваны ў рэкордна кароткія тэрміны па сусветных мерках

12.02 2008

УСТАНОУЛЕНЫ НОВЫЯ РЭКОРДЫ ПРАХОДКІ. СТВАРЭННЕ ГКУ

У 2008 годзе на скіпавым ствале Чырвонаслабодскага рудніка дасягнуты максімальныя тэмпы праходкі - 57 м/мес., на клеццявым ствале - 47 м/мес. З узрослым аб'ёмам работ і пашырэннем геаграфіі аб'ектаў рамонтна-будаўніча-мантажнае ўпраўленне падзелена на РБМУ-1 і РБМУ-2, яны ажыццяўлялі тры віды дзейнасці: будаўніцтва, мантаж і капітальны рамонт. У снежні 2008 года шляхам пераўтварэння горнага цэха ААТ «Трэст Шахтаспецбуд» было створана горна-капітальнае ўпраўленне (ГКУ)

2006-2007

ПРЫЗНАЧАНЫ НОВЫЯ КІРАЎНІКІ

У жніўні 2006 года старшынёй Назіральнага савета быў выбраны В.Н.Старцаў. Генеральным дырэктарам быў прызначаны Мікалай Мікалаевіч Скрыпнік. 1 лістапада 2007 года на пасаду генеральнага дырэктара ААТ «Трэст Шахтаспецбуд» быў прызначаны Сяргей Леанідавіч Гарбацэвіч

01.02 2004

СТВАРЭННЕ ШПУ

У лютым 2004 года спецыяльна для праходкі ствалоў і будаўніцтва горнай часткі Чырвонаслабодскага рудніка створана Шахтапраходчае ўпраўленне. У лютым 2005 года шахтабудаўнікі пачалі праходку другога ствала Чырвонаслабодскага рудніка, у красавіку - першага. Работы вяліся метадам замарожвання, бо першыя 230 метраў у глыбіню складаліся з абвадненых пяскоў. У замарожаных пародах быў дасягнуты рэкорд хуткасці − 33 метры ў месяц

14.02 2003

ПАЧАТАК БУДАЎНІЦТВА ЧЫРВОНАСЛАБОДСКАГА РУ

14 лютага 2003 года для папаўнення руднай базы Другога рудаўпраўлення адбылося ўрачыстае адкрыццё будаўніцтва Чырвонаслабодскага рудніка

04.05 2000

СТВАРЭННЕ ААТ «ТРЭСТ ШАХТАСПЕЦБУД»

12 красавіка 2000 года падпісаны дагавор па стварэнню ААТ «Трэст Шахтаспецбуд» пры пераўтварэнні Калектыўнага (народнага) прадпрыемства трэст «Шахтаспецбуд» і прынята рашэнне аб выпуску акцый прадпрыемства. 4 мая 2000 года ААТ «Трэст Шахтаспецбуд» было зарэгістравана

01.03 1996

СТВОРАНА ДВП «РОМСАЛ»

1 сакавіка 1996 года было створана даччынае вытворчае унітарнае прадпрыемства "Ромсал", асноўнымі напрамкамі дзейнасці якога сталі выраб металаканструкцый і нестандартызаванага абсталявання любой складанасці для будаўнічых работ, а таксама аказанне шырокага спектра паслуг па металаапрацоўцы і праектаванні металаканструкцый

1993-1995

ВЫНІКІ РАБОТЫ ЗА 1993-1995 ГАДЫ

У Першым рудаўпраўленні ВА «Беларуськалій» былі зроблены горна-праходчыя і мантажныя работы разведачных выпрацовак міжпласця 2-га і 3-га гарызонтаў рудніка на магутнасць 500 тыс.т каменнай солі ў год.
У Другім рудаўпраўленні ажыццяўлены: рэканструкцыя СУФ для пераводу на новы ДАСТ; рэканструкцыя чысткі зумпфа і падвадзяшчых выпрацовак ствала №1; пабудаваны механічная майстэрня плошчай 378 м2 і гаражы для ўнутрызаводскага транспарту плошчай 549 м2.
У Трэцім рудаўпраўленні была праведзена рэканструкцыя СУФ (9-я тэхналагічная нітка)

19.02 1992

ЗАРЭГІСТРАВАНА КАЛЕКТЫЎНАЕ (НАРОДНАЕ) ПРАДПРЫЕМСТВА ТРЭСТ «ШАХТАСПЕЦБУД»

У студзені 1990 года на базе Салігорскага і Кіраўскага шахтабудаўнічых упраўленняў створаны трэст «Шахтаспецбуд». У трэст «Шахтаспецбуд» увайшлі Кіраўскае і Салігорскае ШБУ, будаўніча-мантажнае ўпраўленне (БМУ), РБМУ, УМіТ, а таксама дапаможныя і абслугоўваючыя ўчасткі і службы (КІПіА, ГМА, БРУ, ДАУ, ПСТ, АБК). 30 снежня 1991 года падпісаны дагавор выкупу дзяржмаёмасці, адным з першых у Беларусі трэст «Шахтаспецбуд» прыватызаваўся. 19 лютага 1992 года зарэгістравана Калектыўнае (народнае) прадпрыемства трэст «Шахтаспецбуд»

01.02 1989

КIРАУНIКОМ СШБУ ПРЫЗНАЧАНЫ В.Н.СТАРЦАЎ. У СКЛАД Салігорскага ШБУ БЫЛО ЎКЛЮЧАНА КІРАЎСКАЕ ШАХТАБУДАЎНIЧАЕ УПРАУЛЕННЕ

1 лютага 1989 года Загадам Міністра па вытворчасці мінеральных угнаенняў М.М.Альшанскага ў склад Салігорскага ШБУ ўвайшло Кіраўскае ШБУ. Ва ўзросце 56 гадоў на льготную шахцёрскую пенсію па выслузе гадоў пайшоў першы кіраўнік СШБУ А.М.Півавараў. Эстафету працоўных спраў шахтабудаўнікоў прыняў В.Н.Старцаў.

1977-1987

ВЫНІКІ РАБОТЫ СШБУ ЗА ПЕРШЫЯ 10 ГАДОЎ

За 10 гадоў работы з 1977 па 1987 СШБУ на рудніках ВА «Беларуськалій» было пройдзена ў агульнай складанасці амаль 200 км горных выпрацовак. Было адбіта і выдадзена нагара больш за 1 млн м3 горнай масы, выкладзены вялікія аб'ёмы бетону і солебетону, устаноўлены некалькі тысяч камплектаў жалезабетоннага і шрубавага штангавага мацунку. СШБУ былі ўведзены ў строй пускавыя комплексы па павелічэнню магутнасцей штогадовага выпуску мінеральных угнаенняў на рудаўпраўленнях ВА «Беларуськалій»:
- на 208 тыс.тон - 1РУ;
- на 40 тыс.тон (з горнымі аб'ектамі) - 2РУ;
- на 100 тыс.тон - 3РУ;
- на 208 тыс.тон - 4РУ.
Таксама былі здадзены ў эксплуатацыю пускавыя комплексы збудаванняў ствала нумар 4 на Першым і Другім рудаўпраўленнях і праведзена рэканструкцыя абагачальных фабрык у сувязі з пераводам на новы ДАСТ

15.02 1977

ПРЫЗНАЧАНЫ ПЕРШЫ НАЧАЛЬНІК САЛІГОРСКАГА ШАХТАБУДАЎНIЧАГА УПРАУЛЕННЯ (СШБУ)

15 лютага 1977 года Загадам Міністра хімічнай прамысловасці СССР Л.А.Кастандава прызначаны кiраунік СШБУ Анатоль Міхайлавіч Півавараў

09.12 1976

СТВАРЭННЕ САЛІГОРСКАГА ШАХТАБУДАЎНIЧАГА УПРАУЛЕННЯ (СШБУ)

У мэтах своечасовага ажыццяўлення горна-капітальных і горна-падрыхтоўчых работ для забеспячэння ўводу ў дзеянне магутнасцей па вытворчасці калійных угнаенняў на Чацвёртым Салігорскім калійным заводзе Міністрам хімічнай прамысловасці СССР Л.А. Кастандавым выдадзены загад аб арганізацыі Салігорскага шахтабудаўнічага ўпраўлення (СШБУ).